舒緩真菌、汗斑好幫手 – 普利膚軟膏

(20 JUNE 2017)

跑步嘅人,只想對pacing敏感,唔會想皮膚敏感。平時成日跑步、打拳,隨地瞓,加上出汗出得多都試過敏感同出現真菌感染問題,通常係手踭同大腿罅位置。踏入春夏季節,嚟類問題更加容易出現,真係有苦自己知。

當然,塗合適既藥膏,絕對有幫助。我之前有一小處皮膚受真菌感染,試用咗普利膚軟膏,因為處理及時,所以症狀好快消失。平時做完運動,特別係夏天,都會成身大汗,有機會搞到皮膚又痕又唔舒服。之前都見到有D跑友有汗斑問題,呢枝普利膚軟膏都可以用,加上冇類固醇,可以放心。

你以為「真菌藥膏」只係俾香港腳用?其實睇真啲,普利膚軟膏係任何部位嘅皮膚真菌感染問題都可以用。所以一懷疑自己係真菌感染,就要盡快處理啦!不過當然最重要係預防:注意個人衛生,時刻保持皮膚乾爽。

IMG_6201.JPG

廣告

再次走進黑暗,用心探索

(26 JUNE 2017)

今次第二次到訪「黑暗中對話」,記得上一次是公司team building 活動,主要係玩遊戲同分享。今次參加體驗館,就好似一個tour,感覺亦較親切同多互動,玩乜嘢就唔講啦,留番大家去「看看」。

之前蝦叔帶我幪眼跑,今次又到黑暗中體驗,令我感到活在黑暗之中,有人扶持真係非常重要。今次體會到在黑暗中真係行幾步都驚,完全想像到失明人士在真實世界中會有幾咁徬徨。

趁周末,大家快啲搵埋朋友來試試!
Ummmm 記得帶少少散紙!

(Promotion code: Onesmallstep)
【黑暗中對話旅程】
優惠:買一送一
優惠時段:星期二至日,上午10:00至下午 2:00
備註:查詢及預約請致電2310-0833

【出雙入對】
優惠:買一送一
優惠時段:下午5:30至下午7:00
備註:請於網上購票

Dialogue Experience 網站:
http://www.dialogue-experience.com.hk/web/subpage.php?mid=6
http://www.dialogue-experience.com.hk/web/subpage.php?mid=13
#分享就是力量 #黑暗中對話體驗館 #點只對話咁簡單
@dialogue in the dark Hong Kong

IMG_7371IMG_7372IMG_7373IMG_7374IMG_7375

 

 

 

 

我的美麗日記

(15 JUNE 2017)

在香港工作,相信好多人也經歷過排山倒海的壓力,超時工作,無日無之。如果連丁點工餘時間不去放鬆,竟然用來唸書的話,相信大概就像邊跑馬拉松邊耍雜技那樣自討苦吃。傻的嗎?可是幾年前我偏偏如此,邊工作邊讀MBA,身邊也有人潑冷水,會覺得你「咁勤力搏乜」。

在那兩年間,工作、做project至深夜,但到晚上時常失眠,發惡夢。每日早上就要靠咖啡來提神,一天三杯十分普通。密密麻麻,沉浸在咖啡因裡的生活好像很充實,但坦白說,我偶爾也不禁自問:對啊,何必這樣辛苦呢?

周而復始的捱了兩年黑暗期,最後運動讓我走出來。我開始打拳、做gym、到後來跑步。就算如何疲累,放工、放假也急不及待去出身汗,鍛練自己身體之餘也鍛練意志,同時也俾自己一些空間。當然了,更有人覺得我走火入魔,將自己迫得更緊。因為運動在他們心目中是苦差,但他們有所不知,當運動變成習慣之後,它不只不是壓力,反而成為了我千斤生活的救贖。每次運動,付出了汗水,卻同時得到心靈上喜樂滿足,也更肯定自己,自信心也由此增加。

如今回頭看,沒有曾經的崎嶇,沒有跌跌碰碰,又怎會成就現在的我?缺了漆黑的考驗,閃亮也無法彰顯。所以,我該謝謝昔日挑戰為我帶來的磨練,也謝謝運動帶我走出黑暗。

人生就是一個超級馬拉松,不要奢望一步就到終點,也不要因一時黑暗、停滯不前而灰心。好好感受沿路風光,還要學會忍耐、等待和堅持努力,黑暗過後一定是光明。

#分享就是力量 #不怕黑就閃亮 #黑珍珠面膜 #BeMe #BeMyBeauty #MyBeautyDiary

IMG_6007IMG_6008IMG_6009IMG_6010

GarminFR935用後分享文

(11 JUNE 2017)

之前戴開FR235,見到Fenix 5 出就一直心思思想買。唯一令我猶豫係戴上手太重,同好多function未必有用。等等下FR935又出,本身對螢光錶帶感覺麻麻,知道有黑色就衝去買。看網上資料同用家評價,呢隻無論外型、價錢、function都啱自己。

1)外觀
Fenix 5 重67g》FR935 重49g》F235 重42g
我隻手比較細,FR935較輕身,沒有太大負擔。全黑好靚,錶面大過235少少。我買的舖頭,中文版跟錶有個「跑步動態感測器」,英文版就冇。

IMG_7343

2)附件
內有USB 數據充電線、跑步動態感測器 (簡稱RD Pod)、操作手冊、Garmin 貼紙*3。呢個充電線同235 / 735 的不同!

IMG_7344

3)螢幕顯示器比235的更清

IMG_7346

4)功能、數據

連接去 garmin connect app 十分方便,只需幾分鐘。操作同FR235差不多,唔駛重新學過。

詳細function留返畀高人分析嘞,呢度只講我既初步用後感。用開235的我,有幾個新功能對我以至好多跑友來講幾實用:

一、游水、單車、三鐵
平時會在Lunch踩健身單車、放工有時會去泳池游水,間中假日會去海灘,而家呢一切全部都可以用935紀錄低了。

二、HRV Stress
呢個係透過量度心率變異度,評估身心壓力的功能。不過呢個數據頗為專門,我唔亂講了,有興趣的朋友自行google穩陣啲。值得一提,呢個測試要配合對應既胸式心率帶先用到。

三、節拍器(Metronome)
有啲跑友練步頻,會夾個小型拍子機喺身。而家935有左呢個功能,仲可以校響聲、震動或者兩者並存提示。佢唔一定每拍提示一次,仲可以按個人需要轉成每幾拍提示一次,非常實用。

四、跑步技術數據
今次935其中最亮眼既係多左舊野,亦即係上面所講既「跑步動態感測器」。大家可能會好奇,呢舊野點用,同埋有乜用?其實戴住佢跑,事後就會多左幾項數據,包括:移動參數、垂直振幅、左右平衡觸地時間、觸地毫秒。呢啲係乜?都係果句,我唔敢亂講,大家自己google了解下好過啦。不過,就我略略睇過,發覺呢幾項跑步數據,對於有志改善跑步技術的跑友來講,應該係好有參考價值。

 

 

 

 

 

Cotton Rose 之 Spa 體驗

(5 JUNE 2017)

呢排壓力爆煲,好想去做spa😍
但係香港好少做,因為要去到酒店先有好環境同洗護產品
多謝Cotton Rose邀請
今日就去咗做磨沙、浸浴同按摩
全白色裝修,房內佈置亦很整潔
一入去見到充滿玫瑰花嘅浴池已經❤️❤️眼
估唔到仲用埋Jo Malone bath oil
按摩師知我跑得多就集中按下身
完左之後仲有阿媽靚湯飲
散哂!今晚一定好好瞓😴
#thankyou #cottonrose
#對自己好D
#relax

IMG_5096.JPG

身體也要「斷捨離」Genie Juicery 輕斷食體驗

(30 MAY 2017)

上年夏天蝦叔開始炮製自家製果汁,不時上網搜尋有關資訊,仲買左本叫《斷食》嘅書。我又八掛攞嚟睇,書中提到好多時感覺好攰、提唔起勁,主要身體內的毒素,要透過斷食俾身體休息一下,排清毒素,也是心靈鍛練。

其實自從我多咗食素同跑步後,已經少咗呢D感覺。之前有朋友試過斷食,感覺好好。我都成日心思思想試下,但你叫我全日冇野落肚就唔得,試下果蔬汁斷食就不妨一試。今次多謝Genie Juicery的邀請,令我的起心肝去試下。

IMG_7323

首先要搞清楚,減肥唔係斷食最大目的,冇食一日,第二日食返,根本唔可以減到。反而俾身體休息、排毒先係目的。而且心情上亦要好好調整,一旦決定開始就要堅持,中間唔可以食野。所以會選擇放假日子,少了工作壓力,亦可保持輕鬆愉快的心情。

1) 08:00 The Master
早餐酸酸的一支,檸檬味,內𥚃有奇亞子,都幾飽肚,不過味道不太喜歡😖

IMG_7324

2)10:30 Smooth Operator
跑完步返屋企都冇乜胃口,呢支要搖一搖先飲。好喜歡的味道,有菠菜、牛油果、香蕉,好creamy❤️ 再加埋包洋車前子粉(psyllium husk) 溝水飲,補充水分同纖維。

IMG_7325

3)12:30 Green Dream

Um…… 開始肚餓了,第三支也是我愛的口味,有青瓜、西芹、蘆薈,好清新的感覺。已經過了半天,Keep up the good work!!! 想看看效果就要繼續堅持。玩下電腦、煲下劇時間易過D😄

IMG_7326

4)14:00 Orange Utan
感覺好像之前蝦叔整嘅果汁一樣味,橙、甘荀、薑同柑桔,好好味。攤咗上床邊飲邊睇書,好似開始習慣了,冇咁餓啦。Half way to go!🤘🏽🤘🏽🤘🏽

5)15:30 Sawadekah
泰國風味?其實係青瓜、菠蘿、Kale、香茅,咁清新當然要去泳池邊嘆住陽光飲。一陣要出街做facial,會唔會抵受唔住美食誘惑?

IMG_7328

6)17:00 Hawaii H2O
開始肚餓了,加上行街見到好多誘惑就趕快回家。返到去就即刻開第六支,又係綠色的😅
味道同之前嗰支差不多,有菠蘿、菠菜
“YOU ARE AMAZING!" 繼續努力💪🏾

IMG_7329

7)18:30 Life Blood
係我至愛的紅菜頭、蘋果、甘荀同檸檬,差點忘記加埋包奇亞籽❤️ 。近年好興用奇亞籽減肥,蝦叔長期有一包係office,我之前就試過用來做布甸。由於奇亞籽加水吃起來沒有味道,加入果汁就最好。佢遇水會膨脹,增加飽肚感,仲含有豐富膳食纖維同蛋白質,力推呀👍🏾。

IMG_7330

8)20:00 India Wilde
最後一餐,係最唔啱口味,亦最高卡路里嘅一支。見到上面寫著Almond,我麻麻杏仁奶,但點都要完成佢。飲落又比想像中好得多,除杏仁外,仲有印度奶茶、豆、棗。飲咗先去上拳堂,唔知有無力呢?

IMG_7331

 

後記:我本身食量唔多,但好怕捱餓,有時候會胃痛。所以未開始之前有D驚,怕身體不適應,也怕自己不夠堅定。最後也完成了,可能放假關係,心情亦比較輕鬆,而且D果汁比我想像中飽肚同好味。

而因斷食而產生的反應,例如頭痛、疲勞、口臭、身體異味,都好似冇乜。反而真係口渴同成日想去洗手間。其間我有一點都做錯,書中提及斷食日要避免劇烈運動,好彩我冇乜事,可能平時也有運動,只係完左之後肚餓。其實斷食日要保持好心情、平靜,讓身體休息。

另一重點係斷食之後一天嘅「復食」,即回復飲食,唔好立即大吃大喝,否則前功盡廢。由於腸胃未必能夠適應,所以第二日都應該食得清淡,之後慢慢先回復日常飲食。

總括而言,今次體驗感覺好好。今次令我領悟到,做斷食揀放假時好D,仲要避免外出,因為太多誘惑。每當肚餓想偷食時就同自己講「冇理由俾D食物控制自己!」咁就會過關!我諗,以後我都每個月抽一兩天輕斷食。

 

Pjur active 2skin 防磨損液

IMG_7251

平時長課練習同跑馬都好少擦野保護,好怕"chi lup lup",結果個身損哂,特別係bra top 位丶加拿大位😭😭😭,沖涼嗰時想死!

呢排用咗Pjur active 2skin 防磨損液,質地唔太厚,但能夠保護肌膚,連完長課都冇事。我連著新高踭鞋都用佢,仲要大大支有排用,平過我買膠布。

IMG_7252

Facebook page : https://www.facebook.com/pjuractive.hk/

購買地點:https://hk.pjuractive.com/where-to-buy
網上購買:https://hk.pjuractive.com/shop/
立即購買:https://goo.gl/W5mzNt

 

 

隨心拍的神器 Casio Exilim FR-100

我平時只用iphone影相,去旅行都少帶相機。今次呢部自拍神器,向來都係機器白痴嘅我竟然可以用到😆。今次第一寫分享文,但太technical嘅野唔識寫呀。

呢部機機身長形,鏡頭與控制器可以分離,只要一控"release"制就會自動解體。

IMG_7239

最基本自拍,可設定美肌功能。機身唔算大,我隻手咁細都能夠輕易掌握同操作。

同亦可以分拆單張自拍,或者set 1秒 30張連拍 (就可以拍到好wide好靚嘅跑步相)。將鏡頭放在地上或者其他位置,度好位,按遙控器拍攝按鈕就可以。(因為角度同廣角效果,放在地上會拍到長腿😆)

當佢係普通相機亦可以,將鏡頭接埋,可以影下風景同食物。

拆開鏡頭向外影風景又得

IMG_7245

用來拍片效果也不錯,機身好輕,去旅行隨意拍最適合!呢部機係用作戶外運動攝影,防水防塵防摔,拍出來比GoPro更清更靚,但如果跑馬拉松時用就較大部。

影完D相同片可以即時以wifi傳送去手機,好方便呀! 唯一缺點好似好快冇電,又要帶尿袋出街!