旅行想唔肥有幾難?

呢兩個月我同蝦叔也在努力減磅以迎接夏天。
平日飲食進一步清淡、晚間減量以及盡量避免在外用餐、戒甜,大家也成功瘦了。

來到旅行呢個一大難關,又怎樣處理?去旅行當然要享受,要放鬆心情,品嘗當地美食。但放肆地大吃大喝,雖然只是幾天,未必會令體重大幅增加,但腸胃亦不能一下子適應,而且怕在心態上會令自己太過放縱,回港後難以重拾紀律。

今次福岡遊我地就試試找個平衡點,能品嚐美食之餘又能夠減少增磅機會。有圖有真相:拉麵、鐡板燒、雪糕、壽司、天婦羅、pancake……通通都有食,但點先冇咁離譜?


* 分甘同味:因為怕唔好意思,以前去食飯一定乜都一人一份,其實已經過量,又要夾硬清左佢 (怕日本人以為不欣賞食物)。今次就試下叫一份share,再叫D沙律、湯或者飲品,既不會唔好意思,也不會浪費同迫自己食多。

* 便利店健康小吃:去親日本都會喪行,有時候累了就搵地方坐,食下午茶。以前都會去cafe,食件cake/ 甜品,飲下野,有時候唔係真肚餓,係「口痕」。去左咁多次先發現便利店係有好多沙律菜賣,仲要好平。行到攰就去買溫泉蛋同菜食下。


* 無糖飲料:Cafe都會去,戒凍飲做不到,但會揀無糖飲品。Black coffee、Americano、檸茶等。餓的時候就買D nuts,又或者叫少少野share。

* 最後還是心態:唔係唔食,但也可以節制地食,起碼唔會浪費食物,亦唔會因暴食令自己唔舒服。坦白講,沿途經過無數的雪糕店/甜品店,次次都好想食,但你也有權選擇,次次都要食?定食一、兩次?我自己試過便足夠。

你問我下下咁「就住」係咪好痛苦?只能說沒有付出沒有收穫,加上我又唔係冇食,係選擇食幾多、去到幾盡。以前去旅行成日暴食,最後也搞到自己胃痛、肚痛,咁又係享受?

旅行完結後上磅,一定會重左,但幅度並不多。回港後亦back to normal,食得清淡D,過了幾天已經回復之前體重了😊

之前努力咗咁耐(特別係控制對食嘅心態),我都唔想一下子前功盡棄,令自己後悔。

廣告

跑遊福岡的領悟

實不相瞞,前一陣子我總覺得跑步是負擔。
日間工作營營役役,打完仗後去帶著最後一口氣去運動場死衝爛衝。減了磅、休息足夠,也不見得有大進步,心情很容易就沉下來。
物極必反,明明是正面的事,太過執著,就會變成負面。
今次到福岡旅遊,順道慢跑,呼吸新鮮空氣之餘,看著不同的風景,聽到大自然的聲音,同時也啟發了我。
老來需要甚麼?

旅程第一天,到市內的大濠公園晨跑。跑到一個向日葵花圃,看到一位伯伯正細心地打理婆婆的頭髮同衣服,然後替她拍照,期間他們沒說什麼,卻感到充滿愛。本來想主動幫他們拍照,但最後也不敢打擾。突然想到:自己老了又會怎樣?人生到最後需要的,又是甚麼?


不要常常杞人憂天

我喜歡有計劃,對於看不清的前景我總是充滿疑慮。

旅程第二天早上,我們到了一個叫「能古島」的小離島跑步。事前在網上找不到太多關於當地環島跑資料,結果發現同船的遊人似乎只是為了去海水浴場,別說跑步,連踏單車的人也沒有。

我們只好硬著頭皮試跑,頭一段路沿著海岸的車路走,兩公里左右已經要上山。一路上沒有人也沒有車,只有斜路同樹林,有點陰森,更沒有什麼好風景。坦白說,風景不似預期,很想「切碎」提早結束。


但又想:難得來到,就既來之則安之。慢慢行行跑跑,原來沿路也有介紹景點的標記。最後2公里「重見光明」,看到一望無際的大海,也有青青草原,感覺好像完成馬拉松那樣滿足。


可曾義無反顧努力過?

星期六黃昏時分,我們到了福岡城散步。古跡附近有一個運動場,學生努力地在公園練習擺手。一人一句「一二三四」,不停擺手,不停數拍子。有研究過跑步嘅朋友都知其實「手」也要練。跑步看似簡單,但去深入其中就發現學問多多。看到此景象,不禁想起自己的生活、練習,又有沒有像他們這麼努力過?

積少成多

第三天朝活,6時多已經出門。那是星期天,但原來不少當地人比我更早:有一班學生在天神購物中心圍圈跑、有些人往大濠公園、有些人在公園內領跑。要改善自己,有時候從「小」開始,每天、隔天形成習慣,累積下來就會有改變。用心做好每件事也可放到人生,令事情、生活變得更有意義。


異域閒跑的意義

很多時候在香港跑步都會好著急,對速度、狀態十分緊張,跑步本是紓壓,到頭來卻成了壓力來源。好多人都說:「去旅行就休息一下,唔好跑啦。」但在外地跑,其實稱不上什麼練習,而是透過腳步去感受異域。今次旅程運氣不錯,天氣十分好,每朝晨跑就聽到蟬聲,看到藍天白雲,心情也隨之亮起來。