舒緩真菌、汗斑好幫手 – 普利膚軟膏

(20 JUNE 2017)

跑步嘅人,只想對pacing敏感,唔會想皮膚敏感。平時成日跑步、打拳,隨地瞓,加上出汗出得多都試過敏感同出現真菌感染問題,通常係手踭同大腿罅位置。踏入春夏季節,嚟類問題更加容易出現,真係有苦自己知。

當然,塗合適既藥膏,絕對有幫助。我之前有一小處皮膚受真菌感染,試用咗普利膚軟膏,因為處理及時,所以症狀好快消失。平時做完運動,特別係夏天,都會成身大汗,有機會搞到皮膚又痕又唔舒服。之前都見到有D跑友有汗斑問題,呢枝普利膚軟膏都可以用,加上冇類固醇,可以放心。

你以為「真菌藥膏」只係俾香港腳用?其實睇真啲,普利膚軟膏係任何部位嘅皮膚真菌感染問題都可以用。所以一懷疑自己係真菌感染,就要盡快處理啦!不過當然最重要係預防:注意個人衛生,時刻保持皮膚乾爽。

IMG_6201.JPG

廣告

再次走進黑暗,用心探索

(26 JUNE 2017)

今次第二次到訪「黑暗中對話」,記得上一次是公司team building 活動,主要係玩遊戲同分享。今次參加體驗館,就好似一個tour,感覺亦較親切同多互動,玩乜嘢就唔講啦,留番大家去「看看」。

之前蝦叔帶我幪眼跑,今次又到黑暗中體驗,令我感到活在黑暗之中,有人扶持真係非常重要。今次體會到在黑暗中真係行幾步都驚,完全想像到失明人士在真實世界中會有幾咁徬徨。

趁周末,大家快啲搵埋朋友來試試!
Ummmm 記得帶少少散紙!

(Promotion code: Onesmallstep)
【黑暗中對話旅程】
優惠:買一送一
優惠時段:星期二至日,上午10:00至下午 2:00
備註:查詢及預約請致電2310-0833

【出雙入對】
優惠:買一送一
優惠時段:下午5:30至下午7:00
備註:請於網上購票

Dialogue Experience 網站:
http://www.dialogue-experience.com.hk/web/subpage.php?mid=6
http://www.dialogue-experience.com.hk/web/subpage.php?mid=13
#分享就是力量 #黑暗中對話體驗館 #點只對話咁簡單
@dialogue in the dark Hong Kong

IMG_7371IMG_7372IMG_7373IMG_7374IMG_7375

 

 

 

 

我的馬拉松喜怒哀樂

(25 JUNE 2017)

仲有幾個月又到跑季了,大家已經開始報/報左好多賽事。由2016年初嘅初馬,至今已經跑左八隻了。不算多,但想趁下季開始時總結一下,當係給自己的回顧。如果令大家報名時可以參考,咁就更加係bonus了。

喜:京都、武漢

我好幸運,京都初馬並不痛苦,反而十分enjoy! 京都馬在二月舉行,天氣冷跑馬最舒服。限時六個小時,cut咗上線時間即係約五個半鐘多D,的確令初哥有點擔心。但賽道設計很有心思,途經多個世界文化遺產,例如仁和寺,也可以眺望嵐山、度月橋的風光,彷如去咗個day trip。日本馬氣氛好不用多提,而且大會安排各種傳統藝術表演,目的令參賽者更加認識京都。

IMG_7363

啱啱四月頭的武漢馬是一個驚喜,返大陸跑馬係好多人眼中的「作賤自己」,去過幾次,只能說自己好彩冇事。未去之前,我以為武漢叫「火爐」一定好熱,成個鄕下咁。但去到先知,賽事整體安排十分周到,路線規劃亦有心思,橫渡長江、途經黃鶴樓、環湖跑,見盡武漢美景。氣氛,仲要非常好。當然,在大陸普通話、簡體字一定少不了,係咪接受到就好睇個人,我自己就唔會因為呢啲而否定晒一切其他優點。

IMG_7364

怒:新加坡Sundown

點解要俾嬲嬲豬呢隻馬呢?新加坡天氣熱、半夜起步要捱眼訓,通通都在預期之內。作為一個發達城市,賽事安排就令人十分失望。攞號碼布要排兩三個小時、分區起步混亂同延誤,零氣氛,仲有好多人都以散步形式參與,賽道大部分在漆黑公園內不停「輪迴」,感覺好像走進不歸路。

IMG_7365

哀:清遠、台中新社

不要誤會,我冇食番梘亦沒有什麼意外。2016清遠馬賽事安排好正常、補給亦充裕,賽道算係全平坦就較悶,冇乜氣氛。用「哀」來形容主要當日天氣潮濕,蝦叔因為陪我呢位慢腳跑,搞到佢最後幾K撞牆。呢次係我第一次遇到,唔知點樣幫佢,只能邊行邊影為佢加油。

IMG_7366

今年二月的台中新社櫻花馬拉松,聽到個名好似好浪漫,但對於我咁怕斜路來說是痛苦的。未到三點已經要出門口,加上當日唔好彩下大雨,未起步已經好攰。沿途風景優美,亦有花欣賞,可惜的是頭半馬係大上大落,上斜只好做步兵。第一次跑完半程感覺已經好像虛脫一樣。

IMG_7367

樂:田中、廣州

田中馬啱啱出左抽籤結果,每年都要爭崩頭。又熱又算是較鄉下地方,點解仍然咁受歡迎?好奇心影響,上年就參加一下,睇下有乜嘢咁好。結果發現,當地人好客熱情,由比賽之前的一天已經有大型嘉年華同巡遊,除左運動用品、宣傳攤位外,仲有好多農產品賣,好似當地的米、麵。比賽當日天氣太晴朗了,過程算是辛苦,但幸好有居民支持,大量補給同表演,增添許多樂趣。幸運地我在呢隻馬成績比想像中好,算係意外收穫。

IMG_7368

又係大陸呀,冇計貪佢平同貪佢近近地唔駛攞假。個位都係報團先有。點解咁受歡迎?呢隻馬優點除左地點方便、賽路差不多全平外,也因為氣氛好。但坦白講,廣州馬的氣氛仲未及得上京都、田中同武漢。

IMG_7369

以上純粹個人意見,之前每次比賽我都有寫報告,但今次將佢合成一篇,希望順道方便到各位。咦?好似仲差一隻,就係渣馬!相信好多人也參加過,啱啱過去一屆係我第一次參加,亦PB了。嚟緊呢季希望破咗佢!大家也加油! Keep going and Enjoy!

IMG_7370

 

 

一些不跑步就不會懂的事情

(19 JUNE 2017)

1)清晨的美好
不跑步就不會知道早睡早起為了什麼事。在香港、甚至台北比賽,起跑時間多在早上6點甚或更早。好多時要三點多起身梳洗、食早餐,然後再乘車/步行去會場。成條街除了參賽者,就只有工作人員同報販。寧靜漆黑之中,又帶點活力同期待;由天黑走到日出,跑完後整個城市就開始蘇醒了。

IMG_7358

2)自己的能耐
不跑步就永遠不知道自己的能耐,永遠也不知道完成馬拉松的感受。記得幾年前跑過幾次10公里後,一直覺得跑半馬係沒有可能的事,因為跑完10公里已經筋疲力盡。餘下11公里,別說跑,步行也覺不可能。原來只要堅持定期練習,半馬甚至全馬、山賽都不是遙不可及。

以前我會覺得自己不能捱餓,食少一點也會胃痛,原來也是心理作用。看過一些書同研究,自己也親身體驗輕斷食,以前以為自己唔可以的最後也能夠做到。

不跑步也不會知道自己忍受大汗淋漓的程度,也不知道自己可以無論氣溫零度抑或是30度、乾煎還是暴雨、像在蒸籠中又或是逆著風,任何天氣都可以跑。

IMG_7359

3)傷病的惱人
不跑步就不會知道有一種痛苦叫「傷病」,腳傷冇得跑、感冒冇得跑,每朝起身都期待落床時腳冇痛、冇咳冇喉痛。好返又要重新適應,不斷循環;其實也因此而更加愛惜自己。

IMG_7360

4)各種的學問
不跑步就不會留意身體狀況同各項數據,什麼靜止心率、zone 1-5、Vo2 max、脂肪率。

不跑步也不會留意各種路線、距離、甚至上落斜、爬升率、有冇補給、安全問題等;仲有幾時日出日落、天氣情況等。

IMG_7361

5) 別人的故事
不跑步就不會那麼留意別人,藉著跑步擴闊生活圈子,跑友的分享亦不只局限於技術上討論,也有許多故事。看別人的故事,感受他們的經歷,學習他們的態度,反觀自己的想法。

IMG_7362

最後,不跑步也不知道自己美好自信的樣子,出完汗反而更精神飽滿,原來素顏也可以!唔知大家有冇同感?

我的美麗日記

(15 JUNE 2017)

在香港工作,相信好多人也經歷過排山倒海的壓力,超時工作,無日無之。如果連丁點工餘時間不去放鬆,竟然用來唸書的話,相信大概就像邊跑馬拉松邊耍雜技那樣自討苦吃。傻的嗎?可是幾年前我偏偏如此,邊工作邊讀MBA,身邊也有人潑冷水,會覺得你「咁勤力搏乜」。

在那兩年間,工作、做project至深夜,但到晚上時常失眠,發惡夢。每日早上就要靠咖啡來提神,一天三杯十分普通。密密麻麻,沉浸在咖啡因裡的生活好像很充實,但坦白說,我偶爾也不禁自問:對啊,何必這樣辛苦呢?

周而復始的捱了兩年黑暗期,最後運動讓我走出來。我開始打拳、做gym、到後來跑步。就算如何疲累,放工、放假也急不及待去出身汗,鍛練自己身體之餘也鍛練意志,同時也俾自己一些空間。當然了,更有人覺得我走火入魔,將自己迫得更緊。因為運動在他們心目中是苦差,但他們有所不知,當運動變成習慣之後,它不只不是壓力,反而成為了我千斤生活的救贖。每次運動,付出了汗水,卻同時得到心靈上喜樂滿足,也更肯定自己,自信心也由此增加。

如今回頭看,沒有曾經的崎嶇,沒有跌跌碰碰,又怎會成就現在的我?缺了漆黑的考驗,閃亮也無法彰顯。所以,我該謝謝昔日挑戰為我帶來的磨練,也謝謝運動帶我走出黑暗。

人生就是一個超級馬拉松,不要奢望一步就到終點,也不要因一時黑暗、停滯不前而灰心。好好感受沿路風光,還要學會忍耐、等待和堅持努力,黑暗過後一定是光明。

#分享就是力量 #不怕黑就閃亮 #黑珍珠面膜 #BeMe #BeMyBeauty #MyBeautyDiary

IMG_6007IMG_6008IMG_6009IMG_6010

我的跑步穿搭分享(下)

(15 JUNE 2017)

上回講左上身,今次就分享下跑步褲吧⋯⋯呢個對於我呢個5尺2寸嘅人係一大難題。

1)跑步短褲

本身跑步短褲沒有什麼功能,重點在於質地同cutting,選擇時有幾個要點:
* 不能太貼身同太短,試過買了一些太短太貼,褲緣邊跑邊走上去,容易走光,也不舒服
* 又不能太長,否則抬腿時條褲與大腿磨擦
* 腰部亦不能過鬆,如果唔係跑步時成日要整理,怕會甩褲

2)緊身長褲

主要分開兩種,一種沒有功能,純粹保暖同埋襯衫,我試過著去跑,但由於腰部不夠緊,邊跑要邊整理,跑得很不舒服。

另外一種係有功能的,有的可以改善乳酸堆積、有的用來恢復,我自己比較喜歡的係cw-x 同 virus,因為比較薄同柔軟。不過如果你只係平日用來慢跑幾公里,就無需花費買功能褲,因為比平常的貴得多。如果考慮挑戰半馬丶全馬,就應該考慮一下。

3) 近來至愛品牌

Adidas : 以前唔太鍾意三間,但上年發現佢D設計好過以前好多。仲要有好多專為女生跑步而設嘅款。而Adidas X Stella McCartney 係至愛,設計型又比較少人著,accessories 都好靚唯一缺點有D款太貼身唔啱我。今季仲出左好多泳衣,個廣告好型!Karlie Kloss 真係型到核爆!#HereToCreate

IMG_7354

Lululemon : 佢D瑜珈服十分出名,之前有朋友大讚佢嘅跑步短褲(speed shorts),我就買來試試。cutting 同質地好,著上去也顯瘦,亦唔易走光,大愛。佢出嘅跑步裙同bra 都好好,但要留意bra top有D係俾瑜珈用,托得麻麻,同埋比較薄,要多用一兩個 pad。佢仲有出泳衣top (左上)

我通常上網買,因為可以deliver,記得留意佢"we made too much",可以買到平野,抵好多。

IMG_7355

Lorna Jane : 近呢兩個月開始上網訂,見到佢D bra top 同 tank 好正。其實之前係giga見到,但D款色偏大同cutting唔啱自己。上網D款多好多,又free shipping,有時候仲有discount。

IMG_7356

Nike Lab Gyakusou : 純粹係對盾爺的情意結,型囉!所以每季都會買少少。

IMG_7357

其實仲有好多牌子都有運動系列,唔想成日撞衫可以看看,例如Victoria Secret、Cotton On、Titika Active Couture、Roxy、CK、Izzue…… 好似越來越多呀!仲有跑山嘅牌子。

4)最後還是要啱身合適,唔好以為夏天著多D去焗汗,可以消多D脂肪,其實唔會㗎。輕左只係身體少咗水份,一飲番水就打回原形,反而會影響皮膚,容易生粒粒。

 

 

【蝦叔 X 蝦嫂】沒有網絡,你還跑嗎?

(13 JUNE 2017)

【蝦叔】

沒有網絡會不會跑?我的答案是:會。

因為沒有網絡,人還是會長胖,這是千古不易的定律,又怎能不跑不運動?然而,跑的多寡,也許就會稍不如前,甚或大不如前。

沒有網絡,就沒幾多人會知道你這個月欠幾公里才夠200公里的目標。反正跑190多公里也不賴呀,最後一天太累了,無謂勉為其難。

沒有網絡,你周末去跑了多久也沒人知曉。太陽如何不饒人,你如何咬緊牙關挺過一隻私家全馬,苦苦幹了也沒人為你喝采吶喊。算了吧,無謂難為自己,臨時「切碎」,半場退出,又哪有問題?

沒有網絡,你還會遠涉重洋北討南征?會還是會的,但選得也許更慎重了。一來沒有facebook跑友一窩蜂問你「抽左東馬未?大阪入飛未?」;二來你去了拍下千張照片,也只能給自己欣賞。最多最多有親戚朋友偶爾來訪,把握機會迫他們看看你的威水史吧,只能如此。

想到這裡,沒有網絡的跑步日子,好像很寂寞似的。雖說跑步是一個人的運動,但到頭來整件事根本一點也不「一個人」。網絡就如冷氣、汽車、升降機等等,一旦試過了,我們從此回不過頭,再也沒法想像沒了它們會怎麼辦。網絡這東西,一旦與跑步成了朋友,它們就像綠茶與紅豆那般珠聯璧合。

古語有云:「富貴不歸,如錦衣夜行。」同樣的,辛辛苦苦跑完,卻藏著掖著不給人知道?難矣!老子如此壯舉,巴不得宣揚到整個亞太區去!跑錶的紀錄功能,值錢之處正在於此!

不禁想,在網絡未如現在風行,在無法「呃like」的時代,練跑也就只能為了自己。在這種情況還會孜孜不倦去跑的人,其實他們對跑步的鍾愛,會不會比今天的我們來得更為純粹?

儒家有個概念叫「慎獨」,就是說在別人看不見的時候,也該慎重行事。身為跑者,尤其像我這種上網成癮的人,有時也應該想想:在別人看不見的時候,我又會怎樣對待跑步?

IMG_7351

【蝦嫂】

我承認facebook真係一個跑既好大推動力:

1) 見到別人跑,特別日曬雨淋都出去,我就會覺得冇藉口偷懶。見到別人的月結、速度、練習內容也不自覺想跟想進步。

2) 網路上有太多海外賽、旅跑、本地路線、呃like熱點等資料,好多都好吸引,平日唔跑多D點應付?

3) 除左練習之外,好多時係跑去影靚相、為左出post抒情,另外也會約網友去跑啦。

但冇得上網冇得出post就唔跑?So naive! 毋忘初心,記得當初踏上跑步機是為了什麼?是減肥keep fit!之後去跑街是為了減壓發洩,去練跑都是為了跑馬拉松遊世界。所以其實都不是為了跟風為了呃like的「人跑我跑」。所以就算冇facebook,冇出得玩IG,我也一樣要運動。

就算有些人因為社交媒體而開始運動、開始跑步也不是壞事,至少大家都做正面的事。反而值得思考有無不良習慣,例如個個星期去比賽、每次也要快/跑好多、過度訓練、俾過份壓力、太多資訊同建議等。

以下係取自"black mirror"其中一輯,睇完之後常常提醒自己,自信不是由"like"來建立,畢竟這是虚擬的。

IMG_7352

GarminFR935用後分享文

(11 JUNE 2017)

之前戴開FR235,見到Fenix 5 出就一直心思思想買。唯一令我猶豫係戴上手太重,同好多function未必有用。等等下FR935又出,本身對螢光錶帶感覺麻麻,知道有黑色就衝去買。看網上資料同用家評價,呢隻無論外型、價錢、function都啱自己。

1)外觀
Fenix 5 重67g》FR935 重49g》F235 重42g
我隻手比較細,FR935較輕身,沒有太大負擔。全黑好靚,錶面大過235少少。我買的舖頭,中文版跟錶有個「跑步動態感測器」,英文版就冇。

IMG_7343

2)附件
內有USB 數據充電線、跑步動態感測器 (簡稱RD Pod)、操作手冊、Garmin 貼紙*3。呢個充電線同235 / 735 的不同!

IMG_7344

3)螢幕顯示器比235的更清

IMG_7346

4)功能、數據

連接去 garmin connect app 十分方便,只需幾分鐘。操作同FR235差不多,唔駛重新學過。

詳細function留返畀高人分析嘞,呢度只講我既初步用後感。用開235的我,有幾個新功能對我以至好多跑友來講幾實用:

一、游水、單車、三鐵
平時會在Lunch踩健身單車、放工有時會去泳池游水,間中假日會去海灘,而家呢一切全部都可以用935紀錄低了。

二、HRV Stress
呢個係透過量度心率變異度,評估身心壓力的功能。不過呢個數據頗為專門,我唔亂講了,有興趣的朋友自行google穩陣啲。值得一提,呢個測試要配合對應既胸式心率帶先用到。

三、節拍器(Metronome)
有啲跑友練步頻,會夾個小型拍子機喺身。而家935有左呢個功能,仲可以校響聲、震動或者兩者並存提示。佢唔一定每拍提示一次,仲可以按個人需要轉成每幾拍提示一次,非常實用。

四、跑步技術數據
今次935其中最亮眼既係多左舊野,亦即係上面所講既「跑步動態感測器」。大家可能會好奇,呢舊野點用,同埋有乜用?其實戴住佢跑,事後就會多左幾項數據,包括:移動參數、垂直振幅、左右平衡觸地時間、觸地毫秒。呢啲係乜?都係果句,我唔敢亂講,大家自己google了解下好過啦。不過,就我略略睇過,發覺呢幾項跑步數據,對於有志改善跑步技術的跑友來講,應該係好有參考價值。

 

 

 

 

 

我的跑步穿搭分享(上)

(9 JUNE 2017)

一直都好想寫一篇關於女生跑步穿搭嘅分享文,但又好怕連到廣告、sponsor等問題。最後還是決定去分享,大家自己看同分析吧。

對我來說,著得靚去運動係一個推動力,而另一方面,為左fit D、著多D靚衫而亦係「勤力」的一大原因。「工欲善其事、必先利其器」嘛,永遠都有藉口買衫😁。

記得多年前跑步,我只是著普通的tee同做gym嘅七分運動褲,跑嘅時候總覺得不自在,出完汗成身好重咁。坦白講,自己都唔想望自己,越怕顯肥,就越是遮遮掩掩。後來減返少少,再加上留意其他人的穿搭,同多看有關書籍,先至好返好多。

IMG_7339

1) 色調/風格

衣櫥裡面都有不同顔色的跑衫同跑褲,每次出去跑都會考慮當日心情:
* 黑白:想簡單,想懶型;如果白色,記得考慮去邊度跑,會唔會做體能,同自己生理周期,費事整污糟,另外仲要檢查有冇走光先出門。
* 螢光:想表現正面積極。我通常只會上身或者下身sharp,而帽就唔會同上身顏色撞。例如上身shocking pink,帽同褲會低調D。
* 粉色/甜美:應該是心花怒放的一天,又或者為了同自己打氣。上身粉色咁下身就要換D較柔和色調嘅跑褲、裙,著黑色感覺突兀。
* 花花的:本身我自己唔太多呢種,就算有可能都係較深色的。一樣啦,千其唔好上身下身都花。

IMG_7340

2)上衣

* 質地方面,我會分兩種:吸濕排汗(dri-fit) 同棉質的。大部分時間,例如上跑班、長課我都會著吸濕排汗的,較輕身,容易排汗。但缺點可能較為貼身,會凸肚(純粹自己經驗)。但點解我仲會買棉質?最主要因為個款靚,你見到好多「影后」嘅相,上衣cutting特別,機乎件件都係棉質。我只會著來慢跑、fun run,戴腰包也要小心會磨出毛粒,通常我會戴係衫內去避免。
* 剪裁方面:我自己喜歡背心,肩帶較闊會好D,因為幼肩帶跑起上來件衫會走位,不美觀也容易走光。我不太喜歡Tee,熱之餘,望落也比較肥(我自己身型問題)
* 大部分上身衫我都會試過同考慮幾點,會唔會太貼身、會唔會容易走位、出汗後會唔會好透、肚腩位、同長度。千其唔好以為買長D遮肚、pat pat,反而看上來更肥、腳更短。

IMG_7341

3) 內衣:一定係「運動內衣」,仲要高承托的。跑步算係高強度,內衣一定要買好的,最重要係質地好、承托力夠,可以避免弄傷肌膚同減低不適。之前見過有網友討尺寸問題,可能好多大品牌尺寸有限,太肥太瘦未必啱,其實可以去售內衣嘅店,我試過有不同size,但款色當然冇運動品牌嗰D咁靚。也可以去外國品牌online shop找找,通常有大D尺碼選擇。

IMG_7342

講住咁多先!下期再討論下身同我平時係邊度買衫😙

 

Cotton Rose 之 Spa 體驗

(5 JUNE 2017)

呢排壓力爆煲,好想去做spa😍
但係香港好少做,因為要去到酒店先有好環境同洗護產品
多謝Cotton Rose邀請
今日就去咗做磨沙、浸浴同按摩
全白色裝修,房內佈置亦很整潔
一入去見到充滿玫瑰花嘅浴池已經❤️❤️眼
估唔到仲用埋Jo Malone bath oil
按摩師知我跑得多就集中按下身
完左之後仲有阿媽靚湯飲
散哂!今晚一定好好瞓😴
#thankyou #cottonrose
#對自己好D
#relax

IMG_5096.JPG